მედიაში გარკვეული ჩანაწერები გავრცელდა, ახალგაზრდების შეხვედრასთან დაკავშირებით, სადაც მსჯელობა მიდიოდა ხელისუფლების შეცვლაზე. ამ საკითხთან დაკავშირებით, ოპოზიციასთან მიმართებაში მწვავე შეფასებებს აკეთებს პარლამენტის პირველი ვიცე-სპიკერი გიორგი ვოლსკი:
,,ეს ჩანაწერებიც რომ არ იყოს, ხომ ვიცით, რომ ძალიან ცუდ გზას დაადგა ოპოზიციის გარკვეული ნაწილი. ჩამოყალიბდა რევოლუციის კომიტეტი – ადამიანები, რომლებიც უქადიან ჩვენ ქვეყნას დესტაბილიზაციით, დაპირისპირებებით, არეულობით. ეს არის სამწუხარო რეალობა, რომელსაც თვალ-ყურს ვადევნებთ.
თანაც ამას ყველაფერს სათავეში უდგანან ის ადამიანები სრულიად დისკრედიტირებული წარსულითაც, აწმყოთიც და მომავლისკენ თუ გავიხედვთ, დავინახავთ, რომ მათი ადგილი არ უნდა იყოს საზოგადოებაში, მონანიების გარეშე.
მონანიებას, რეალურად, ამ ადამიანებისგან – არავისგან არ უნდა ველოდოთ“, – განაცხადა გიორგი ვოლსკიმ.
ავტორი
ნინი ხიჯაკაძე
