“ვერ დადგები ირაკლი ცალ ფეხზე იმიტომ, რომ შენ უკვე მუხლებზე დგახარ რუსეთთან” – პაატა მანჯგალაძე ირაკლი კობახიძეს მიმართავს

აშშ-ს მიერ მიღებული გადაწყვეტილებით 4 ქართველ მოსამართლეზე სანქციები დაწესდა. აღნიშნულ საკითხთან დაკავშირებით კონკრეტულ განმარტებებს და ,,ქართული ოცნების” მიმართ მწვავე შეფასებს აკეთებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე:

,,ეს არის, ასე ვთქვათ, ბოლო გაფრთხილება, ბოლო დიდი სიგნალია ,,ქართული ოცნებისთვის”, რომ ამერიკა ვერ და არ შეეგუება იმას, რომ ქვეყანაში იყოს ანტიდემოკრატიული რეჟიმი და არაფორმალური მმართველობა.

აქვე მინდა, ირაკლი კობახიძეს და ,,ქართული ოცნების” პროპაგანდისტებს ვუპასუხო, – დაიხვიეს გიორგი ბურჯანაძის გამოსვლა, რომ ,,ჩვენ ცალ ფეხზე არ დავდგებით”, თითქოს ვინმემ მოთხოვა ცალ ფეხზე დადგომა.

ვერ დადგები ირაკლი ცალ ფეხზე, პირდაპირ გეუბნები იმიტომ, რომ შენ უკვე მუხლებზე დგახარ რუსეთთან! შესაბამისად, რომც მოინდომო, ვერც დადგები ცალ ფეხზე!”, – განაცხადა პაატა მანჯგალაძემ.

ავტორი
ნინი ხიჯაკაძე