საქართველოს პრემიერ-მინისტრ ირაკლი ღარიბაშვილის პოზიციას, რომ რუსეთის აგრესიით უკრაინა დაიჩაგრებოდა, მწვავე შეფასებებით ეხმაურება ანალიტიკოსი, ჟურნალისტი, ტელეკომპანია “ფორმულას” გადაცემა “კონტექსტის” წამყვანი ირაკლი ტაბლიაშვილი:
“2022 წლის 3 აპრილს უთქვამს, რომ ჯერ კიდევ 25 თებერვალს ამბობდა სისულელეს🙂
დაიჩაგრებოდა ხომ საშინელი სიტყვაა! მაგრამ ეს “დაისჯებოდა” კიდევ უარესი!
ანუ მას – მოკლემხედველს, აპრილის დასაწყისში, ომის დაწყებიდან თვენახევარში, მიაჩნდა, რომ უკრაინა ისჯება/დაისჯება!
დასჯა განიმარტება ასე – “დამნაშავის(!!!) მიმართ გარკვეული ქმედების განხორციელება, სასჯელის სისრულეში მოყვანა.
შესაბამისად, მას – პრემიერს, მიაჩნდა, რომ უკრაინა იყო და არის დამნაშავე!
სასჯელი კი სისრულეში მოჰყავთ!” – წერს ფეისბუქის პირად გვერდზე ირაკლი ტაბლიაშვილი.
ინფორმაციისთვის. ერთი წლის წინ, 2022 წლის 3 აპრილს, რუსეთის მიერ უკრაინის წინააღმდეგ განხორციელებული აგრესიის შეფასებისას, მთავრობის მეთაური, ირაკლი ღარიბაშვილი აღნიშნავს: “ჯერ კიდევ 25 თებერვალს ვამბობდი, რომ ამ ომით უკრაინა დაიჩაგრებოდა, დაისჯებოდა“.