“საგანგაშო მდგომარეობაა, კრიტიკული – სიკვდილი შეიძლება დადგეს ნებისმიერ მომენტში… აი, ამას ვისმენდი მე” – გიული ალასანია მიხეილ სააკაშვილის ჯანმრთელობის მდგომარეობაზე

საქართველოს მე-3 პრეზიდენტთან კლინიკა ,,ვივამედში“ სახალხო დამცველის აპარატთან არსებული კონსილიუმის წევრი ექიმების ვიზიტზე ჟურნალისტებთან კომენტარს აკეთებს მიხეილ სააკაშვილის დედა, გიული ალასანია:

,,საგანგაშო მდგომარეობაა, კრიტიკული – სიკვდილი შეიძლება დადგეს ნებისმიერ მომენტში… აი, ამას ვისმენდი მე.

9 ვიზიტი ჰქონდათ მათ აქ, ,,ვივამედში“. საკმარისად კარგად იცნობენ პაციენტს. იციან მისი მდგომარეობა. აგრეთვე, აქვთ დოკუმენტები, რომელსაც აწვდის კლინიკა.

ამიტომ, ყოველმხრივ აქვთ მათ ეს ყველაფერი შესწავლილი. თქვეს, რომ საგანგაშო მდგომარეობაა. ხშირად ისმოდა ის, რომ აუცილებელია მის გადაყვანა უცხოეთში“, – განაცხადა გიული ალასანიამ.

ავტორი
ნინი ხიჯაკაძე