სახალხო დამცველთან შექმნილი კონსილიუმის წევრი ექიმები კლინიკა ,,ვივამედში’’ იმყოფებდნენ. შეხვედრის შემდეგ, მიხეილ სააკაშვილის ჯანმრთელობის მდგომარეობის შესახებ კომენტარი გააკეთა ნევროლოგმა თენგიზ წულაძემ. მისი შეფასებით მე-3 პრეზიდენტის მდგომარეობა მძიმეა:
,,მიხეილ სააკაშვილის მდგომარეობა მძიმეა და სჭირდება ძალიან სერიოზული ჩარევები, რომ მისი სიცოცხლე გადარჩეს. იმიტომ, რომ აქედან ვერასდროს ვეღარ იტყვი როდის და რა სისწრაფით დამძიმდება პაციენტი. პროგნოზირება ძალიან ძნელია.
როცა გადაადგილდება, სავარაუდოდ, მას მაღალი რისკი აქვს დაცემის. იმიტომ, რომ როგორც კი წამოდგება წნევას აგდებს ძალიან დაბლა, როგორც იყო წინა ვიზიტზე. ამიტომ მისი წამოდგომა და გადაადგილება რისკთანაა დაკავშირებული – მაშინაც კი, როცა თავისი პალატიდან ტუალეტში შესვლას დააპირებს.
წნევა რომ მცირდება, სულ დაწოლილია ფილტვების ემბოლიზმის, ფილტვის ინფაქტის და უეცარი სიკვდილის რისკიც მატულობს.
ჩვენ არაერთხელ ვთქვით და მე მგონი, ,,ვივამედიც“ ამ აზრზეა ახლა, რომ მისი მკურნალობა აღარ უნდა გაგრძელდეს ამ კლინიკაში. განსხვავებული აზრი ისაა, რომ ჩვენ ვფიქრობთ, რომ საზღვარგარეთ ჯობია წავიდეთ და იქ უმკურნალონ. ესენი ფიქრობენ, რომ ჯობია გაათავისუფლონ“, – განაცხადა თენგიზ წულაძემ.
ავტორი
ნინი ხიჯაკაძე
