პარასკევი, მარტი 29, 2024

“სად უნდა გადაიყვანონ ადამიანი, არ ვიცი?! კიბეზე რომ ჩამოიყვანო შეიძლება ცოცხალმა ვერ ჩამოაღწიოს” – შალვა ხაჭაპურიძე მიხეილ სააკაშვილზე

ადვოკატი შალვა ხაჭაპურიძე აცხადებს, რომ კლინიკა ,,ვივამედის” ექიმების პრესკონფერენციაზე გაჟღერდა საქართველოს მე-3 პრეზიდენტის, მიხეილ სააკაშვილის პირადი ინფორმაცია, რის გამოც მიმართეს რეგულირების სააგენტოს და ამჟამად საქმის გამოკვლევა მიმდინარეობს:

,,რეგულირების სააგენტომ მოკვლევა დაიწყო კლინიკა ,,ვივამედთან” დაკავშირებით.

კლინიკა ,,ვივამედის” ექიმებმა ჩაატარეს პრესკონფერენციები, სადაც სააკაშვილის პირადი მონაცემები გააჟღერა ენდოკრინოლოგმა – გახსოვთ ქალბატონი, გახარებული რომ დადის სულ, თითქოს დეფილეზე იყოს .

ამ პირადი მონაცემების გაჟღერების ფაქტთან და კიდევ სხვა სამედიცინო დარღვევებთან დაკავშირებით, მივმართეთ რეგულირების სააგენტოს და მოგვივიდა პასუხი, რომ დაიწყო მოკვლევა. გამოთხოვილ იქნა კლინიკა ,,ვივამედიდან” დამატებითი დოკუმენტაცია.

მე ყოველ დილით ველოდები რაღაც, ღმერთმა დაიფაროს, ცუდ ინფორმაციას. უმძიმესი მდგომარეობა აქვს სააკაშვილს, დღეის მდგომარეობით.

ამ ადამიანზე რომ მოვისმინე ,,ვივამედის” განცხადება, თურმე გადასაყვანია – სად უნდა გადაიყვანონ ადამიანი, არ ვიცი?! კიბეზე რომ ჩამოიყვანო შეიძლება ცოცხალმა ვერ ჩამოაღწიოს აქამდე…”, – განაცხადა შალვა ხაჭაპურიძემ.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული