პარტია ,,ქართული ოცნების“ თავმჯდომარე ირაკლი კობახიძე პოლიტიკურ შეფასებას აკეთებს საქართველოს პრეზიდენტ, სალომე ზურაბიშვილის გზავნილებზე, რომლებიც პარლამენტის სხდომაზე გაჟღერდა:
,,როდესაც ქვეყნის პრეზიდენტი საუბრობს იმაზე, რომ საქართველო შარშან არ იმსახურებდა კანდიდატის სტატუსს. იმ ფონზე, როდესაც ევროკავშირმა თვითონ აღიარა, რომ უარი იყო უსამართლო – ეს ყველაფერი არის, რა თქმა უნდა, შემაშფოთებელი.
როდესაც პრეზიდენტი აცხადებს, რომ საქართველო არც წელს დაიმსახურებს კანდიდატის სტატუსს – ეს არის, რა თქმა უნდა, შემაშფოთებელი.
ეს არ არის იმ ადამიანის პოზიცია, რომელიც უნდა ზრუნავდეს საკუთარ სახელმწიფო ინტერესებზე.
რაც შეეხება კიდევ ერთ თემას, თითქოს მეორე ფრონტი არის კონსპირაცია – ამაზე მე მინდა შევახსენო პრეზიდენტს მისი განცხადებები 2008 წლის ომთან დაკავშირებით. რას ამბობდა ის 2008 წლის ომის შესახებ, როგორ დაიწყო 2008 წლის ომი – ის იყო კონსპორაცია თუ რა იყო?! იქნებ გაიხსენოს საკუთარი განცხადებები…“, – განცხადა ირაკლი კობახიძემ.
ავტორი
ნინი ხიჯაკაძე
