,,ერთიანი ნაციონალური მოძრაობის“ თავმჯდომარე ლევან ხაბეიშვილი კრიტიკულ განცხადებას აკეთებს და კონკრეტულ პრეტენზიებს აფიქსირებს მმართველი პარტიის მიმართ:
,,უამრავი პრობლემა აქვს ჩვენს ქვეყანას – დაწყებული ოკუპაციით, გაგრძელებული მავთულხლართების გაბმით, ასევე, ევროკავშირის კანდიდატის სტატუსი უნდა მივიღოთ და ,,რუსული ოცნება“ აკეთებს ყველაფერს ამის საბოტაჟისთვის.
ნახეთ, რომ რუსული კანონი შემოიტანეს, რაც ქართველმა ხალხმა, განსაკუთრებით ახალგაზრდებმა, ფაქტობრივად დააღეჭინა ირაკლი ღარიბაშვილს, ბიძინა ივანიშვილს და რუსულ მთავრობას. ამასობაში ქვეყანაში უმძიმესი ეკონომიკური და სოციალური პრობლემებია.
ნაცვლად იმისა, რომ ამ პრობლემების მოგვარებაზე ფიქრობდეს ,,რუსული ოცნება“, მათ ანერვიულებთ პრეზიდენტ სააკაშვილის ჯიდლო, რომელიც გადასცეს ნორვეგიელებმა.
დღეს, ჩვენ ვნახეთ არაადეკვატური დამოკიდებულება რუსული პარტიის, ,,რუსული ოცნების“, რომელმაც ნორვეგიის ელჩი დაიბარა, რომ ახსნა-განმარტება გაეკეთებინა სააკაშვილისთვის ჯილდოს გადაცემასთან დაკავშირებით.
ჩვენ ვნახეთ, რომ ,,ტრი-ტრი, ანტონი“, ბერას სათამაშო, ბავშვებს სკოლაში რომ უვარდებოდა, აშინებდა, მერე ამაზე საუბრობდა მისი ბატონის შვილთან, ბერასთან. ეს კაცი საუბრობს სხვა ადამიანის რაღაცა თურმე მკვლელობაზე და ა.შ. ადამიანის უფლებების დარღვევაზე.
რაფალიანცის, თათუხაშვილის, ბაჩალიაშვილის, მაჩალიკაშვილის, კორტავას, ფარტენაძეს მკვლელები საუბრობენ სხვა ადამიანის უფლებების დარღვევაზე“, – განაცხადა ლევან ხაბეიშვილმა.
ავტორი
ნინი ხიჯაკაძე
