“ქართულ ოცნებას” არ აქვს პოლიტიკური ნება, რომ საქართველომ მიიღოს ევროკავშირის კანიდადატის სტატუსი – გიორგი ვაშაძე

,,სტრატეგია აღმაშენებლის“ თავმჯდომარე, პარლამენტის დეპუტატი გიორგი ვაშაძე პოლიტიკურ შეფასებას აკეთებს მმართველი პარტიასთან მიმართებაში და აცხადებს, რომ “ქართულ ოცნებას” არ აქვს სურვილი, რათა საქართველოს მიენიჭოს ევროკავშირის კანდიდატი ქვეყნის სტატუსი, წინააღმდეგ შემთხვევაში ყველა რეკომენდაცია ორ კვირაშია შესრულებადი, რაც, ოპოზიციონერი ლიდერის აზრით, არ კეთდება:

,,დღევანდელი რეალობა არის, რომ არცერთი ძირითადი საკითხი არ არის შესრულებული. ეს არის ფაქტი! პირდაპირ გეტყვით, ამას უნდა პოლიტიკური ნება და 2 კვირაში არის ყველაფერი გაკეთებადი.

მაქსიმუმ 2 კვირაში შეიძლება ყველაფერი ამის შესრულება, როცა შენ გაქვს უმრავლესობა და პოლიტიკური ნება, რომ საქართველო გახდეს ევროკავშირის კანდიდატი წევრი და შემდგომში ევროკავშირის წევრი.

თუ ეს პოლიტიკური ნება არ გაქვს, შენ ამას არ აკეთებ! დღეს, ,,ქართულ ოცნებას“ არ აქვს პოლიტიკური ნება, რომ საქართველომ მიიღოს ევროკავშირის კანდიდატის სტატუსი.

მაქსიმალურად, როგორც გავაწვევინეთ რუსული კანონი, ასე ყველა მექანიზმით უნდა ვაიძულოთ, რომ როგორმე მიიღოს კანონები, რომლებიც მისაღები იქნება დასავლეთისთვის“, – განაცხადა გიორგი ვაშაძემ.

ავტორი
ნინი ხიჯაკაძე