საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე კომენტარს აკეთებს იმასთან დაკავშირებით, თუ კი საქართველო ვერ მიიღებს ევროკავშირის კანდიდატი ქვეყნის სტატუსს, ვის მიმართ უნდა დადგეს პასუხისმგებლობის საკითხი:
,,პრობლემა რაშია – ოლიგარქია, სასამართლო, მედიასთან დაკავშირებული საკითხი, ნიკა გვარამიას საკითხი. ავუხსნათ ადამიანებს და დარწმუნებული ვარ, მოჰყვება პროტესტი. იმიტომ, რომ ჩაგდება და საბოტაჟი მარტო რუსული კანონით კი არ ხდება, ეს რეფორმებიც რომ არ ხდება – აი ესეც საბოტაჟია. ესე კარგად ავუხსნათ და მე დარწმუნებული ვარ, ხალხი ქუჩაში გამოვა.
პრაქტიკა გვაქვს, რომ ,,ქართული ოცნება“ თავისით არაფერს არ დათმობს. დათმობის პრაქტიკა არსებობს მარტო იმ შემთხვევაში, როცა ქუჩაში ადამიანები გამოვიდნენ.
ღმერთმა ნუ ქნას და მოხდა ისე, რომ ,,ქართულმა ოცნებამ“ არ გაიზიარა არავის აზრი და ვერ მივიღეთ კანდიდატის სტატუსი. მაშინ ნამდვილად უნდა დადგეს მმართველი პარტიის პოლიტიკური პასუხისმგებლობის საკითხი“, – განაცხადა პაატა მანჯგალაძემ.
ავტორი
ნინი ხიჯაკაძე
