საქართველოს მე-3 პრეზიდენტს დემოკრატიის განვითარებისთვის ნორვეგიელი პოლიტიკოსის შურ ლინდერბრექეს სახელობის ჯილდო გადაეცა.
,,ერთიანი ნაციონალური მოძრაობის“ თავმჯდომარე ლევან ხაბეიშვილი საგანგებო ბრიფინგზე განცხადებას აკეთებს იმასთან დაკავშირებით, თუ როგორ აზიანებს ქვეყნის რეპუტაციას მიხეილ სააკაშვილის პატიმრობა:
,,პრეზიდენტ სააკაშვილს ნორვეგიაში დემოკრატიის განვითარებისთვის პრიზი გადაეცა. ძალიან მნიშნელოვანი ჯილდო, რომელიც ასევე მიღებული აქვს მაია სანდუს.
გუშინ, კიდევ ერთხელ საზოგადოებამ ნახა, თუ როგორ ზიანდება საქართველოს რეპუტაცია იმ პირობებში, როცა პრეზიდენტი სააკაშვილი იმყოფება ტყვეობაში. ამ ჯილდოს გადაცემის დროს ღიად საუბრობდნენ საქართველოში განვითარებულ მოვლენებზე, რომ არის რუსული ხელისუფლება – ოპოზიცია და ხალხი ებრძვის კრემლიდან მართულ ხელისუფლებას.
გუშინდელი დღე და ჯილდო კიდევ ერთი დასტურია იმის, რომ პრეზიდენტი სააკაშვილი პუტინის, სალავიოლის, ლავროვის და ბიძინა ივანიშვილის საამებლად არის გამოკეტილი ციხეში.
საზოგადოებამ კარგად უნდა გაიზაროს, როცა საფრანგეთის პრეზიდენტი მოუწოდებს ხელისუფლებას სააკაშვილის გათავისუფლებისკენ; როცა პოლონეთის ხელისუფლება ითხოვს, რომ მას უმკურნალოს, მოუაროს და უზრუნველყოს მისი სიცოცხლე; როცა 27 ქვეყნის მთავრობა, ვგულისხმობ ევროკავშირის წევრებს, ღიად წუხს და დემარშს უცხადებს პრეზიდენტ სააკაშვილის ჯანმრთელობასთან დაკავშირებით ხელისუფლებას და მოუწოდებს, რომ მისი სიცოცხლე იყოს უზრუნველყოფილი, ამ პირობებში საქართველოს რეპუტაცია ყოველდღიურად ზიანდება“, – განაცხადა ლევან ხაბეიშვილმა.
ავტორი
ნინი ხიჯაკაძე
