,,ერთიანი ნაციონალური მოძრაობის” თავმჯდომარე ლევან ხაბეიშვილი ჟურნალისტებთან კომენტარს აკეთებს ხატია დეკანოიძის მიერ პარტიის დატოვების საკითხზე. ოპოზიციონერი ლიდერის განცხადებით, მსგავსი გადაწყვეტილებები არსებული პოლიტიკური ვითარების ფონზე არ არის მიზანშეწონილი და გამართლებული:
,,ხატიამ ეს გადაწყვეტილება მიიღო. შეიძლება ძალიანაც არ მოგვწონდეს და არ გვინდოდეს, როცა ბრძოლის ველზეა მთავარი ოპოზიციური პარტია. ამ დროს არ უნდა იღებდეს პასუხისმგებლიანი პოლიტიკოსი ამ გადაწყვეტილებას.
მიუხედავად ამისა, ეს მისი საქმეა. ნება მისია. შეუძლია მოიქცეს ისე, გააკეთოს ის განცხადება და მიიღოს გადაწყვეტილება, რასაც ფიქრობს, რომ სწორია.
ახლა დაქსაქსვის, გათითოკაცების დრო არ არის! ყველა, ვინც ხელს უწყობს, რომ თითქოს რყევაა ოპოზიციურ ველზე, ან თუნდაც რაიმე პრობლემებს აჩვენებს, ეს არ არის კარგი. ეს მხოლოდ ბიძინა ივანიშვილის წისქვილზე ასხამს წყალს!” – განაცხადა ლევან ხაბეიშვილმა.
ავტორი
ნინი ხიჯაკაძე
