სოციალურ ქსელში პირადი მიმოწერის გრაფიკული გამოსახულება გავრცელდა, სადაც საპარლამენტო უმრავლესობის წევრ დიმიტრი სამხარაძის ფეისბუქის პროფილიდან პირად მიმოწერაში, ერთერთ მოქალაქესთან მიმართებაში მძიმე მუქარისშემცველი შეტყობინებებია. აღნიშნულთან დაკავშირებით თავის პოზიციას აფიქსირებს “ქართული ოცნების” თავმჯდომარე, ირაკლი კობახიძე:
,,რაც შეეხება დიტო სამხარაძეს, მან განმარტება გააკეთა თავის ,,ქეისთან“ დაკავშირებით და აღნისნა, რომ არავის დამუქრებია. ეს არის მოცემულობა.
მე ვენდობი დიტო სამხარაძის სიტყვას. თუ ვინმეს უნდა რაიმეს გამოძიება, გამოიძიოს და ნახოს რა არის სიმართლე.
დიტო სამხარაძეს არ სჭირდება ხელის დაფარება, მერწმუნეთ“, – განაცხადა ირაკლი კობახიძემ.
ინფორმაციისთვის: დიტო სამხარაძემ სოციალურ ქსელში, პირად გვერდზე ზემოხსენებული გრაფიკული გამოსახულება და პოსტი გამოაქვეყნა, სადაც აცხადებს, რომ აღნიშნული მიმოწერა მისი მხრიდან არ განხორციელებულა.
ავტორი
ნინი ხიჯაკაძე
