,,ერთიანი ნაციონალური მოძრაობის” წევრი, პარლამენტის დეპუტატი ანა წითლიძე ჟურნალისტებთან კომენტარს აკეთებს 12 რეკომენდაციის შესრულების პროცესთან დაკავშირებით და აღნიშნავს, რომ პარტია თავიდანვე აქტიურად იყო ჩართული ამ მიმართულებით, რადგანაც რეკომენდაციების შესრულება ქვეყნისთვის №1 ამოცანაა:
,,ნაციონალური მოძრაობა” პირველივე დღეებიდან თანამშრომლობდა ყველა ფორმატში – საკომიტეტო, სასესიო განხილვებზე, რაც უკავშირდებოდა 12 პუნქტიანი ვალდებულების შესრულებას.
თუმცა, ყველას ძალიან კარგად ესმის, რომ 12 პუნქტიანი ვალდებულების შესრულებაზე პასუხისმგებლობა ცალსახად არის ხელისუფლების.
ევროპული რეკომენდაციების შესრულების ვალდებულება დღეს არის N1 ამოცანა, მათ შორის – ოპოზიციის.
ჩვენ ძალიან კარგად უნდა გვესმოდეს – როდესაც ვსაუბრობთ 12 პუნქტიანი ვალდებულების შესრულებაზე, ეს უნდა მოხდეს ისე, როგორც ითხოვენ ჩვენი საერთაშორისო პარტნიორები და არა ისე, როგორც საქართველოს ხელისუფლება ასრულებს”, – განაცხადა ანა წითლიძემ.
ავტორი
ნინი ხიჯაკაძე
