“უმაღლეს მთავარსარდალს წამებით, კრემლის საამებლად, კლავს საქართველოს ხელისუფლება, ბიძინა ივანიშვილის დავალებითა და პირადი ვენდეტით” – ლევან ხაბეიშვილი

საქართველოს მე-3 პრეზიდენტთან პოლონელი ექიმების ჩამოსვლის გაჭიანურებას ხელისუფლებას აბრალებს ,,ერთიანი ნაციონალური მოძრაობა”. პარტიის თავმჯდომარე, ლევან ხაბეიშვილი მმართველ პარტიას მოუწოდებს, რომ სასწრაფო წესით მოხდეს ბიუროკრატიული საკითხების მოგვარება, რათა უცხოელმა ექიმებმა დროულად შეძლონ მიხეილ სააკაშვილის მონახულება:

,,პუტინთან მებრძოლ უმაღლეს მთავარსარდალს წამებით, კრემლის საამებლად, კლავს საქართველოს ხელისუფლება, ბიძინა ივანიშვილის დავალებითა და პირადი ვენდეტით.

ამასობაში ჩვენ ,,რუსული ოცნებისგან”, რატი ბრეგაძისგან გვესმის მხოლოდ განცხადებები, რომ თურმე შეუძლიათ ჩამოვიდნენ, მზად არის საქართველოს ხელისუფლება, რომ თანხმობა გასცეს, თუმცა ამ სიტყვების იქით, საქმე არ მიდის.

მოვუწოდებ, ახალ კვირაში, ხვალიდანვე უსწრაფესად მოხდეს ამ თანხმობის გაცემა – არა სიტყვიერი, არამედ დოკუმენტით, საბუთით!”, – განაცხადა ლევან ხაბეიშვილმა.

ავტორი
ნინი ხიჯაკაძე