პარლამენტის წევრი, ,,ლელო საქართველოსთვის“ პოლიტიკური მდივანი სალომე სამადაშვილი ჟურნალისტებთან კომენტარს აკეთებს პარლამენტის დღევანდელ სხდომასთან დაკავშირებით, რომელის მიზანიც ,,ქართულის ოცნების“ მიერ ,,აგენტების შესახებ“ კანონი მეორე მოსმენით ჩაგდებაა:
,,ეს არის ჩვენი ქვეყნის დაბრუნება, კონსტიტუციასთან შეჩერება ანტიკონსტიტუციური პროცესის, რომელიც რუსეთის დავალებით ,,ქართულმა ოცნებამ“ წამოიწყო.
თუ ვინმეს ეპარებოდა ეჭვი, რომ ,,ქართული ოცნება“ რუსეთის დავალებას ასრულებდა, მე გირჩევთ, რომ მოუსმინოთ განცხადებებს, რომლებიც კეთდება მოსკოვში. ეს იყო რუსული დავალება! ეს იყო რუსული საქმე!
ეს რუსული საქმე ჩაშალა ქართველმა ხალხმა, რომელმაც საკუთარ ხელისუფლებას მყარად უთხრა, რომ ბოლომდე იბრძოლებს ამ ქვეყნის სუვერენიტეტისა და ევროპული მომავლისთვის“, – განაცხადა სალომე სამადაშვილმა.
ავტორი
ნინი ხიჯაკაძე
