საპარლამენტო უმრავლესობის წევრი დიმიტრი (დიტო) სამხარაძე საპროტესტო აქციის მონაწილეებსა და არასამთავრობო სექტორთან მიმართებაში თავის პოზიციას აფიქსირებს სოციალურ ქსელში:
“ფარსია ყველაფერი! როგორ შეიძლება იძახდე, რომ გინდა შენი ქვეყნის ევროპული მომავალი, როდესაც შენს სამშობლოს აზიანებ, ანგრევ შენობებს, მოროდიორობ, არბევ მაღაზიებს, აფუჭებ სხვის კუთვნილებას, აპარტახებ შენი დედაქალაქის მთავარ გამზირს და თან გაკივიხარ საქართველოს მომავალი ევროპაა!
ტყუილია, ნაცი ხარ, რომელიც მომენტს არ უშვებ, ოღონდ ქვეყანა დააზარალო!
ევროპა? არა ქვეყნის დაღუპვაა ამათი ნამდვილი მიზანი, ამაში უხდიან ფულს! ძალიან პატარაა საქართველო და მას დიდ ქვეყანაში არ გაცვლიან, მეტიც გაგვანადგურებენ, ოღონდ სხვა სახელმწიფომ იხეიროს და ეს გაბრუებული ბავშვებიც, ასე დაბოლილი ზომბებივით, აპარტახებენ საკუთარ ქალაქს“, – აცხადებს დიტო სამხარაძე.
