,,სტრატეგია აღმაშენებლის“ თავმჯდომარე გიორგი ვაშაძე კომენტარს აკეთებს პარლამენტთან გამართულ საპროტესტო აქციაზე – ,,არა რუსულ კანონს“. ოპოზიციონერი ლიდერი მოსახლეობას მოუწდებს, რომ გამოვიდნენ რუსთაველის გამზირზე და გააპროტესტონ ხელისუფლების ქმედებები:
,,ძალიან მშიშრები და მხდალები არიან. ისინი მარტო არიან დარჩენილები. ჩვენ უნდა ვიდგეთ მედგრად და უნდა გავაგრძელოთ ბრძოლა. ბრძოლა კი იმაშია, რომ ვიყოთ მშვიდობიანები, პრინციპულები.
15:00 საათზე მსვლელობაა ,,ქალთა ორგანიზაციის“ მიერ დაგეგმილი. საღამოს ისევ აქ უნდა გავაკეთოთ შეკრება, სადღაც 5-6-7 საათიდან თავი უნდა მოვიყაროთ და არცერთი ნაბიჯი უკან!
მთელი მსოფლიო დგას ჩვენ გვერდით! არავინ არ იქნება ამ რეჟიმის გვერდით, ისინი იქნებიან მარტო!
ვეუბნები ბიძინა ივანიშვილს – მალე მოგიწევს რუსეთში გაქცევა!“, – განაცხადა გიორგი ვაშაძემ
ინფორმაციისთვის: გუშინ, პარლამენტმა პირველი მოსმენით მიიღო ,,ხალხის ძალის“ კანონპროექტი – 76 ხმით. სხდომის პარალელურად კი პარლამენტთან საპროტესტო აქცია მთელი დღის განმავლობაში მიმდინარეობდა.
ავტორი
ნინი ხიჯაკაძე
