,,დაავადებათა კონტროლის ეროვნული ცენტრის” ყოფილი დირექტორი, ამირან გამყრელიძე ჟურნალისტებთან კომენტარს აკეთებს ,,ქართული ოცნებიდან” ე.წ. განდგომილი დეპუტატების მიერ ინიცირებულ კანონპროექტზე. გამყრელიძის შეფასებით, საქართველოს პარლამენტის უმრავლესობა არ დაუშვებს, რომ მიღებილ იქნას ,,უცხოური გავლენის აგენტების რეესტის” შექმნა, რადგან ეს კანონი ეწინააღმდეგება ქვეყნის მოსახლეობის უმრავლესობის ინტერესებს:
,,მე დარწმუნებული ვარ, რომ ეს კანონი ვერ გავა პარლამენტში. დარწმუნებული ვარ, საქართველოს პარლამენტი არ მიიღებს ამ კანონპროექტს იმიტომ, რომ ეს ეწინააღმდეგება ჩვენს სწრაფვას და ისტორიულ სურვილს, რომ რაც შეიძლება მალე გავხდეთ ევროატლანტიკური სივრცის წევრი. მხედველობაში მაქვს, შევიდეთ ევროკავშირში და საქართველოს NATO-ს ფარი ჰქონდეს.
ეს კანონი საფუძველშივე ეწინააღმდეგება ამ ჩვენს სწრაფვას. ამიტომ არ შეიძლება, ვერ დავიჯერებ იმას, რომ პარლამენტი წავიდეს საქართველოს მოსახლეობის სურვილის წინააღმდეგ. რამეთუ საქართველოს მოსახლეობის 85%-ს სხვადასხვა შეფასებით და რეფერენდუმით უნდა, რომ ჩვენ ვიყოთ ევროკავშირის და ევროატლანტიკური სივრცის წევრი.
მე მესმის, რომ ეს ინიცირებულია გარკვეული ჯგუფის მიერ, მაგრამ დარწმუნებული ვარ, რომ პარლამენტართა უმრავლესობა არ მიიღებს. მითუმეტეს, ჩვენი ყველა მეგობარი, მხედველობაში მაქვს ევროკავშირი, სადაც ჩვენ გვინდა შესვლა, რაც შეიძლება მალე, წელს უნდა მივიღოთ კანდიდატის სტატუსი და ამისთვის ყველაფერი უნდა გავაკეთოთ. ყველა ჩვენი მეგობარი ძალიან დელიკატურად გვირჩევს, რომ დღეს საქართველოში ამ კანონის მიღების საჭიროება არ არის“, – განაცხადა ამირან გამყრელიძემ.
ავტორი
ნინი ხიჯაკაძე
