არასამთავრობო სექტორთან დაკავშირეებით, “ხალხის ძალის” მიერ მომზადებულ და პარლამენტში ინიცირებულ კანონპროექტთან დაკავშირებით კონკრეტულ საფრთხეებზე საუბრობს იაგო კაჭკაჭიშვილი, სოციოლოგიის დოქტორი, თბილისის სახელმწიფო უნივერსიტეტში სოციოლოგიისა და სოციალური მუშაობის მიმართულების ხელმძღვანელი სოციალურ და პოლიტიკურ მეცნიერებათა ფაკულტეტზე:
“კანონში, რომელიც უცხოური გავლენის აგენტად რეგისტრაციას სავალდებულოდ ხდის არასამთავრობო ორგანიზაციებისთვის და მედიისთვის, არის ასეთი ჩანაწერი: „საქართველოს იუსტიციის სამინისტროს შესაბამის უფლებამოსილ პირს უფლება აქვს, კანონის შესაბამისად მოიძიოს საჭირო ინფორმაცია, მათ შორის, პერსონალური მონაცემი“.
მარტივად, რას ნიშნავს ეს? თუ, მაგალითად, კვლევითმა ორგანიზაციამ ჩაატარა გამოკითხვა, სადაც ადამიანებმა გამოხატეს კრიტიკული დამოკიდებულება ხელისუფლების მიმართ, იუსტიციის სამინისტროს ენიჭება უფლება, რომ ორგანიზაციას მოსთხოვოს ამ ადამიანების პირადი მონაცემები (სახელი, გვარი, მისამართი და ა.შ.).
ჰოდა, გეკითხებით ყველას, რა არის ეს, თუ არა საუკეთესო საბჭოთა და რუსული ტოტალიტარული ტრადიციისკენ გადადგმული ნაბიჯი?
არა რუსულ კანონს!” – წერს იაგო კაჭკაჭიშვილი ფეისბუქის პირად გვერდზე.
