“ჩვენთვის არ აქვს არავითარი ფასი, აბსოლუტურად ნულოვანი ფასი აქვს!” – ირაკლი კობახიძე ევროპარლამენტის რეზოლუციაზე

პარტია ,,ქართული ოცნების“ თავმჯდომარე ირაკლი კობახიძე ჟურნალისტებთან პოლიტიკურ შეფასებას აკეთებს ევროპარლამენტის მიერ საქართველოსთან მიმართებაში მიღებულ რეზოლუციაზე, კერძოდ მიხეილ სააკაშვილთან და ბიძინა ივანიშვილთან დაკავშირებით გაკეთებულ ჩანაწერებზე:

,,გამომდინარე იქიდან, რომ აბსურდულია თავის შინაარსით რეზოლუციის შესაბამისი ჩანაწერი, მას ჩვენთვის არ აქვს არავითარი ფასი, აბსოლუტურად ნულოვანი ფასი აქვს!

როცა ერთ მხარეს ვიღაცა აყენებს ევროინტეგრაციას და მეორე, საპირისპირო მხარეს – სამართლის უზენაესობას, ეს დილემა ჩვენთვის არის უკვე პრინციპულად მიუღებელი.

რა დოკუმენტებს იღებდა საბჭოთა კავშირის უზენაესი საბჭო, ეს იყო აბსურდული რეზოლუციები, დოკუმენტები, კანონები, რავიცი, რაც იყო და ზუსტად ანალოგიური ხარისხის აბსურდულობით გამოირჩევა, რა თქმა უნდა, ევროპარლამენტის ეს ბოლო რეზოლუციაც ისევე, როგორც წინა 2 რეზოლუცია“, – განაცხადა ირაკლი კობახიძემ.

ავტორი
ნინი ხიჯაკაძე