საქართველოს პრემიერ-მინისტრი, ირაკლი ღარიბაშვილი კომენტარს აკეთებს პარტია ,,ერთიან ნაციონალურ მოძრაობასთან” დაკავშირებით და ირონიულ შეფასებებს აკეთებს:
,,მე ვფიქრობ, ჩვენი ხალხი ამას ხედავს ყოველდღე, რომ ეს რადიკალურ-ექსტრემისტული პარტია რეალურად რაღაც კომიკურ ორგანიზაციად გადაიქმნა. მათ აირჩიეს ახალი თავმჯდომარე. მათი ყველა ეს უსუსური მცდელობა კიდევ ერთხელ მიუთითებს იმაზე, რომ ეს არის ყოვლად გაკოტრებული, დისკრედიტირებული და მარგინალიზებური რადიკალური ძალა.
რა თქმა უნდა, არ არის ჩემთვის საინტერესო არც მათი აქციები, არც უაზრო განცხადებები. ჩვენ მთავარი უნდა ვაკეთოთ – საქმე, ვემსახუროთ ჩვენ ქვეყანას, ხალხს. რაც ჩვენ ხალხს სჭირდება ის უნდა ვაკეთოთ მხოლოდ.
ასე, რომ ჩემთვის საინტერესო არ არის ისინი რას გეგმავენ. ჩემთვის მთავარი არის, რომ ყველა ეს გამოწვევა, რომელიც ჩვენი ქვეყნის წინაშე დგას, ჯერ კიდევ ძალიან ბევრი საკითხი არის მოუგვარებელი, ეს ყველა საკითხი გადავჭრათ, მოვაგვაროთ და კიდევ უფრო ძლიერი და მაგარი ქვეყანა გვქონდეს, ვიდრე არის დღეს!”, – განაცხადა ირაკლი ღარიბაშვილმა.
ავტორი
ნინი ხიჯაკაძე
