“ამათ ქიციც უნდათ და ქიცმაცურიც, ასე კი, შედეგობრივად ყოველთვის იქნება სრული კრახი” – შალვა ნათელაშვილი ოპოზიციაზე

ლეიბორისტული პარტიიის თავმჯდომარე, შალვა ნათელაშვილი, სოციალური ქსელის მეშვეობით, მიხეილ სააკაშვილის პატიმრობიდან გათავისუფლების “ფორმულას” სთავაზობს ოპოზიციას:

“ასეთი გულუბრყვილო როგორ უნდა იყო პოლიტიკოსი, დაიჯერო, რომ პუტინის ოლიგარქ-გუბერნატორი ივანიშვილი სააკაშვილს პატიმრობიდან გაათავისუფლებდა.

ეს მოხდება მხოლოდ რეჟიმის ჩამოშლის შემდეგ, რასაც გამოიწვევს ოლიგარქ-დიქტატორის საერთაშორისო დასანქცირება, ან ნაცმოძრაობის და აგრეთვე ოპოზიციად თვითწოდებული სხვა ჯგუფების დეპუტატთა მიერ პარლამენტის ქვორუმის გარეშე დატოვება, ანუ პარლამენტიდან რეალური გამოსვლა.

მაგრამ ამათ ქიციც უნდათ და ქიცმაცურიც, ასე კი, შედეგობრივად ყოველთვის იქნება სრული კრახი.

p.s. უარესი სიბრიყვეა დაიმედება იმით, რომ ივანიშვილის მონა-მხევალი, ფრანგი პენსიონერი ვითომ პრეზიდენტი შეიწყალებს მას“, – წერს ფეისბუქის საკუთარ გვერდზე შალვა ნათელაშვილი.