“ყველა მტკიცებულება არსებობს იმისთვის, რომ სასამართლომ კანონის შესაბამისად გადაწყვეტილება მიიღოს” – ლევან ხაბეიშვილი

დღეს, საქალაქო სასამართლოში საქართველოს მე-3 პრეზიდენტის მორიგი სასამართლო პროცესი მიმდინარეობს. სხდომის პარალელურად მიხეილ სააკაშვილის საქმესთან დაკავშირებით ჟურნალისტებთან კომენტარი გააკეთა ,,ერთიანი ნაციონალური მოძრაობის“ თავმჯდომარემ, ლევან ხაბეიშვილმა:

,,ყველა მტკიცებულება არსებობს იმისთვის, რომ რეალურად, კანონის შესაბამისად გადაწყვეტილება მიიღოს სასამართლომ თუ ეს გადაწყვეტილება, ცხადია, იქნება სამართლებრივი.

წინააღმდეგ შემთხვევაში, ამ დროის განმავლობაში, ჩვენ ვხედავთ პოლიტიკურ პროცესს და ასევე, გამოხმაურებებს საერთაშორისო მედიიდან, მათ შორის, პოლიტიკური ლიდერებისგან.

ჩვენ ვნახეთ ყველაზე მამაცი მთავარსარდლის, ზელენსკის განცხადება და მოწოდება, რომ პრეზიდენტ სააკაშვილის ჯანმრთელობა და სიცოცხლე იყოს უზრუნველყოფილი“, – განაცხადა ლევან ხაბეიშვილმა.

ავტორი
ნინი ხიჯაკაძე