ამირან გამყრელიძესთან დაკავშირებით შექმნილ სიტუაციას ემოციური შეფასებებით ეხმაურება ფსიქოლოგი, არტთერაპევტი, ფსიქოთერაპიის ცენტრ “კამარა”-ს დამფუძნებელი ნათია ფანჯიკიძე:
“ამირან გამყრელიძის არც პროფესიონალიზმში მეპარება ეჭვი, არც ადამიანობაში და არც მის საქმის მიმართ დამოკიდებულების მაღალ კულტურაში. ვწუხვარ, რომ მის შეურაცხყოფას ცდილობენ.
და საერთოდაც ვწუხვარ, რომ ადამიანის განადგურების მასობრივი კამპანიები ასეთ ეროვნულ თვისებად ჩამოყალიბდა.
ბრბოსთვის საჯიჯგნად გადაგდება იმ ხალხის, ვინც რაღაცას ქმნის, დიდი პროექტის განხორციელების თვისება აქვს და ქვეყნიდან არ გარბის, წვლილი შეაქვს რამის განვითარებაში, არც მადლობას ითხოვს არავისგან, იქნებ როგორმე ვაჯობოთ თავებს და სიცოცხლე მაინც ვაპატიოთ ხოლმე,” – წერს ფეისბუქის პირად გვერდზე ნათია ფანჯიკიძე.
ინფორმაციისთვის: დაავადებათა კონტროლის ეროვნული ცენტრის ყოფილი ხელმძღვანელი, ამირან გამყრელიძე გავრცელებულ განცხადებაში აღნიშნავს, რომ მის მიმართ წარმოებს ნეგატიური კამპანია. კერძოდ, როგორც იგი აღნიშნავს, სამსახურიდან წასვლის შემდეგ ყოფილ თანამშრომლებს უკრძალავენ მასთან კომუნიკაციას და ასევე შეაჩერეს ის პროექტები, რომლებსაც ხელმძღვანელობდა.