კლინიკა ,,ვივამედის” კლინიკური დირექტორი ზურაბ ჩხაიძე ცენტრ ,,ემპათიას” და მის დირექტორს, მარიამ ჯიშკარიანს მიმართავს, კონკრეტულ პრეტენზიებს გამოთავამს და აცხადებს, რომ მათი რეკომენდაციით აცხადებს პაციენტი უარს სხვადასხვა სამედიცინო პროცედურებზე:
,,სააკაშვილის მდგომარეობა სტაბილურია.
ჩვენ ყოველთვის ვიცავთ კოლეგიალურობის პრინციპს, მაგრამ ყველაფერს აქვს საზღვარი.
მივმართავ ორგანიზაცია ,,ემპათიას” და პირადად მის ხელმძღვანელს – ნუ ეთამაშებიან პაციენტის სიცოცხლეს! პაციენტი ასრულებს მათ რეკომენდაციებს.
კალორაჟი, ეს ყველაფერი შერჩეულია, კონსულტირებულია იმ ჯგუფის, ექიმების მიერ. ეს არის ის კალორაჟი, რომელიც არის მინიმალური რაოდენობა სასიცოხლო ფუნქციების შესანარჩუნებლად, მაგრამ არა მისი მდგომარეობის გასაუმჯობესებლად.
თუ პაციენტი გარკვეულ პერიოდში გარკვეულ მედიკამენტზე უარს ამბობდა – პირდაპირ ვამბობ, ესეც ამ ორგანიზაციის ექიმების რეკომენდაციით ხდებოდა.
ქალბატონი ჯიშკარიანი უკვე ყველა ზღვარს გადაცილდა.
პარენტერალურ კვებაზეც პაციენტმაც უარი განაცხადა. თვითონ ჯიშკარიანი აცხადებდა, რომ პარენტერალურ კვებაზე არ დათანხმდება იმიტომ, რომ კლინიკას არ აქვს ამის გამოცდილება.
კლინიკას, რომელსაც აქვს რეანიმაციული განყოფილება, თუმცა აქამდე ადვოკატი ამტკიცებდა, რომ არ აქვს რეანიმაციული განყოფილება, როგორ შეიძლება არ ჰქონდეს პარენტერალური კვების გამოცდილება?!
ჩვენ გვყავს უძლიერესი რეანიმატოლოგების ჯგუფი, რომლებიც მზად არიან, რა თქმა უნდა, ეს ჩვეულებრივი პროცედურა შეასრულონ”, – განაცხადა ზურაბ ჩხაიძემ.
ავტორი
ნინი ხიჯაკაძე
