კლინიკა ,,ვივამედის“ კლინიკური დირექტორი ზურაბ ჩხაიძე ჟურნალისტებთან კომენტარში აცხადებს, რომ კლინიკის ექიმების მიმართ ხორციელებდება მუქარები. მისი თქმით, აუცილებლად დასახელდება კონკრეტული პირები და მათ შესაბამისი პასუხი გაეცემათ:
,,ბოლო პერიოდში განსაკუთრებით, ეს მუდმივად ხდებოდა – კლინიკის პერსონალი მუშაობს წარმოუდგენელი წნეხის, მუქარის ქვეშ. კონკრეტული ადამიანები გვემუქრებიან ყველა ექიმს და წარმოუდგენელი სტრესის ქვეშ მუშაობს პერსონალი იმიტომ, რომ უკვე გადავიდნენ მუქარებზე, არა მარტო ჩვენზე კონკრეტულად, არამედ ოჯახის წევრებზეც.
ამიტომ ყველა ეს ადამიანი დასახელდება. ყველა ამ ადამიანით დაკავდება შესაბამისი სამსახურები, რომ მსგავსი რამ არ განმეორდეს. ყველა ამ ქმედებას მოჰყვება სისხლის სამართლის პასუხისმგებლობა. ეს იცოდეს ყველამ!
მეც მემუქრებიან, ჩემი ოჯახის წევრებსაც. მუქარა ხორციელდება – ეს იქნება სატელეფონო, მესიჯები, სოციალურ ქსელებში თუ ა.შ. მე ვთქვი, რაც არის ის. ყველა ამ მუქარას შესაბამისი პასუხი გაეცემა. ის ადამიანები დასახელდებიან’’, – განაცხადა ზურაბ ჩხაიძემ.
ავტორი
ნინი ხიჯაკაძე
