“სააკაშვილის ჯანმრთელობის მდგომარეობა, ბოლო 2 თვის განმავლობაში, დამძიმებულია” – მარიამ ჯიშკარიანი

წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ ხელმძღვანელი, მარიამ ჯიშკარიანი სამედიცინო კუთხით საუბრობს იმ რისკებზე, რაც შეიძლება მოჰყვეს კორონავირუსით ინფიცირებას იმ ფონზე, როდესაც ისედაც მძიმე ჯანმრთელობის მდგომარეობაში იმყოფება საქართველოს მე-3 პრეზიდენტი, მიხეილ სააკაშვილი:

,,მისი ჯანმრთელობის მდგომარეობა, ბოლო 2 თვის განმავლობაში, დამძიმებულია. ჩვენ შევისწავლეთ სამედიცინო ბარათის ჩანაწერები ნოემბერ-დეკემბრის და იანვრის მდგომარეობით და ცენტრი ,,ემპათია“ უერთდება, რა თქმა უნდა, ჩვენი ამერიკელი გასტროენტეროლოგის მიერ დასმულ ახალ დიაგნოზებს. ეს გახლდათ კლინიკურ მალაფსორცია და კახექსია.

სასამართლოსთვის წარმოდგენილი იქნება დამატებითი დასკვნა, სადაც გარდა ამ დიაგნოზებისა, აღწერილი იქნება მისი მდგომარეობის დამძიმების სიტუაცია.

ასეთ შემთხვევაში, რა თქმა უნდა, კოვიდინფექცია, ეს არის ძალიან დიდი რისკი. ისედაც უკვე, ჩვენ რაც შევისწავლეთ ბარათები, გუშინ გვქონდა მულტიდისციპლინური ექსპერტთა ჯგუფის შეკრება. ის მიუთითებს, რომ ჩასართავი არის უკვე ინტენსიური თერაპიის ღონისძიებები“, – განაცხადა მარიამ ჯიშკარიანმა.

ავტორი
ნინი ხიჯაკაძე