ადვოკატი შალვა ხაჭაპურიძე კომენტარს აკეთებს საქართველოს მე-3 პრეზიდენტის, მიხეილ სააკაშვილის მძიმე ჯანმრთელობის მდგომარეობაზე და სამართლებრივი კუთხით, კონკრეტულად განიხილავს მოწმეთა დაკითხვის პროცესს:
,,არაადეკვატური მკურნალობა, უკვე შეიძლება ითქვას, რომ სახეზეა. 11 კაცი დაიკითხა. 11 ექსპერტის დაკითხვის შედეგად, დადგინდა ის გარემოება, რომ სააკაშვილი არის მძიმე ავადმყოფი. დაუდგინდა დიაგნოზები – კახექსია, დემენცია, სხვადასხვა დიაგნოზები, მათ შორის, გუშინ რომელი ექსპერტიც დაიკითხა – ხერხემლის და ძვალ-სახსროვანი სისტემის ოპერაციების აუცილებლობა.
16 ადამიანიდან 5 ან 7 ადამიანი საერთოდ მოვხსნათ დასაკითხთა სიიდან. მიზეზი არის 2 რამ: პირველი – სააკაშვილის ჯანმრთელობის მდგომარეობა ვეღარ ითმენს – ამ ტემპით თუ გავყვებით, თვეები დასჭირდება. მეორე – ჩვენს შემთხვევაში, პრიორიტეტი არის სააკაშვილის სიცოცხლე!“, – განაცხადა შალვა ხაჭაპურიძემ.
ავტორი
ნინი ხიჯაკაძე
