კლინიკა ,,ვივამედიდან“ გამოსვლის შემდეგ ჟურნალისტებთან მძიმე და ემოციურ კომენტარს აკეთებს მიხეილ სააკაშვილის დედა, გიული ალასანია. მისი განცხადებით, საქართველოს მე-3 პრეზიდენტის ჯანმრთელობის მდგომარეობა დღითიდღე უარესდება და ამჟამად სიტუაცია კატასტროფულია:
,,კატასტროფული მდგომარეობაა! ე.ი. ცარიელი ძვლები დარჩა. ნეკნები აქვს წამოყრილი, მუცელი საერთოდ აღარ არსებობს. აი, არ ვიცი, რაღაცა ხერხემალი მოჩანს აქედან.
ისინი ამბობენ, კი ბატონო, ავად არის, მაგრამ ჩვენ აქ ვუმკურნალებთ, მაგრამ როგორ?! რაღაც გადასხმები კეთდება, მაგრამ ეს ადამიანი ყოველდღე უარესად ხდება.
ვისაც ეს ეხება, ის ხომ უნდა დაფიქრდეს – ეს რომ აღარ იყოს აქ, მოხდეს ესე… ეს მოხდება აუცილებლად… ქვეყანას გადაუვლიან! ხომ ხედავთ, როგორი გამოცოცხლებაა და ინტერესია დასავლეთიდან. ეს ამათ ესე არ შერჩებათ.
გამოსავალი ძალიან მარტივია – გადაყვანა. რამდენიმე თვეა მაგაზეა ლაპარაკი! დრო ხომ გადის?! ამ ადამიანს დარჩა რაღაც საათები და ვიღაცამ ხომ უნდა იფიქროს ამაზე. მე არ მესმის, ასეთი სიჯიუტე რას ნიშნავს?! ვერ ამიხსნია…“, – განაცხადა გიული ალასანიამ.
ავტორი
ნინი ხიჯაკაძე
