წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ დირექტორი მარიამ ჯიშკარიანი დღეს საქალაქო სასამართლოში მიხეილ სააკაშვილის საქმესთან დაკავშირებით ჩვენებას აძლევდა. ჟურნალისტებთან გაკეთებულ კომენტარში საუბრობს სამედიცნო დასკვნებისა და დიაგნოზების შესახებ და აცხადებს, რომ საქართველოს მე-3 პრეზიდენტი არის მძიმე პატიენტი სხვადასხვა პროფილით:
,,ტოქსიკოლოგიურ კვლევასთან დაკავშირებით შემიძლია გითხრათ ის ინფორმაცია, რაც სამედიცინო ბარათში წერია და ამის ანუ დღიურის მიხედვით, ტოქსიკოლოგი წერს, რომ მწვავე ინტოქსიკაციის ნიშნები არ შეიმჩნევა.
მწვავე ინტოქსიკაციაზე არ საუბრობდა არც ჩვენი ამერიკელი ექსპერტი და არც ჩვენ დასკვნაშია საუბარი. საუბარია ქრონიკულ ინტოქსიკაციაზე. შესაბამისად, თვითონ ,,ვივამედის’’ მიერ მოწვეული ტოქსიკოლოგიც კი ვერ გამორიცხავს ქრონიკულ ინტოქსიკაციას.
ადვოკატების მეშვეობით გვინდა გამოვითხოვოთ ტოქსიკოლოგის სრული კონსულტაცია, თუკი ასეთი არსებობს. პენიტენციურ სამსახურს სხვა კიდევ რა კვლევები გააჩნია, ამის შესახებ, ალბათ, ადვოკატებისთვის ცნობილი გახდება და შემდგომში ჩვენთვისაც.
მიხეილ საააკაშვილი არის მძიმე პაციენტი სხვადასხვა პროფილით. ეს დასკვნაში არის ნათლად ასახული. ჩვენი ამერიკელი ექსპერტების მხრივ უკვე გაჟღერდა მრავალი დიაგნოზი, რომელიც პრაქტიკულად არის გათავისუფლების საფუძველი“, – განაცხადა მარიამ ჯიშკარიანმა.
ავტორი
ნინი ხიჯაკაძე
