“ფაქტია, რომ ერთმანეთის მიმართ, ადამიანებს დაუგროვდათ სერიოზული უკმაყოფილება” – მიხეილ სარჯველაძე “ნაციონალურ მოძრაობაზე”

პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე პოლიტიკურ შეფასებას აკეთებს პარტია ,,ნაციონალური მოძრაობის” შიგნით არსებულ პოლიტიკურ ვითარებაზე:

,,ყველა დაჯგუფება თანაბრად პასუხისმგებელია იმაზე, რომ ამ პარტიას [,,ნაციონალურ მოძრაობას”] აქვს სერიოზული წარუმატებლობა, მათ შორის, რეპუტაციული თვალსაზრისით. საზოგადოება დღითიდღე, სულ უფრო და უფრო, ნაკლები მხარდაჭერით, ასე ვთქვათ, პასუხობს იმ შეცდომებს, რომელსაც უშვებდა ეს პარტია ამ წლების განმავლობაში.

არ არის გამორიცხული, რომ მათ შორის ის ჩანაწერი, რომელიც გავრცელდა და მაგალითად, სადაც პოლიტიკური პარტიის ერთ-ერთი ლიდერი აუგად მოიხსენიებს სააკაშვილს, შეიძლება ეს წყენაც იყოს მიზეზი, შეიძლება ბევრი სხვა ფაქტორი იყოს. ფაქტია, რომ იქ ერთმანეთის მიმართ ადამიანებს დაუგროვდათ სერიოზული უკმაყოფილება”, – განაცხადა მიხეილ სარჯველაძემ.

ავტორი
ნინი ხიჯაკაძე