,,სტრატეგია აღმაშენებლის” პოლიტიკური საბჭოს წევრი, საპარლამენტო პოლიტიკური ჯგუფის “რეფორმების ჯგუფის” აპარატის უფროსი სერგო ჩიხლაძე ,,მთავარი არხის” ჟურნალისტთან კომენტარში პოლიტიკურ შეფასებას აკეთებს ამერიკის სახელმწიფო დეპარტამენტში მიხეილ სააკაშვილთან მიმართებაში გაკეთებულ კონკრეტულ განმარტებასთან დაკავშირებით:
,,ჩვენ გვაქვს კომუნიკაცია, ურთიერთობა როგორც ევროპელ, ასევე, ჩვენს ამერიკელ კოლეგებთან, მეგობრებთან.
ჩვენი ინფორმაციით, ეს საკითხი კიდევ უფრო მწვავედ და მკაფიოდ დადგება, კიდევ უფრო მწვავედ და მკაფიოდ დაუსვამენ ამ საკითხს ბიძინა ივანიშვილსა და ,,ქართული ოცნების” მაღალჩინოსნებს.
გაზრდილი საგარეო წნეხისა და ულტიმატუმების პირობებში, იმიტომ, რომ ეს ულტიმატუმები იქნება მალე, ,,ქართულ ოცნებას” მოუწევს, ამა თუ იმ სახით გადაწყვეტილების მიღება მიხეილ სააკაშვილის გადასარჩენად”, – განაცხადა სერგო ჩიხლაძემ.
ინფორმაციისთვის: აშშ-ის სახელმწიფო დეპარტამენტის პრესსამსახურის უფროსის მოადგილე, ვენდანტ პატელი კონკრეტულ განმარტებას აკეთებს საქართველოს მე-3 პრეზიდენტ, მიხეილ სააკაშვილთან დაკავშირებით:
,,ჩვენ კვლავაც ღრმად ვართ შეშფოთებულები და ყურადღებით ვაკვირდებით ამ სიტუაციას. განსაკუთრებით მისი ჯანმრთელობის მდგომარეობას”, – განაცხადა ვანდეტ პატელმა.
ავტორი
ნინი ხიჯაკაძე
