წამების მსხვერპლთა ფსიქოლოგიური რეაბილიტაციის ცენტრ ,,ემპათიას” დირექტორი, მარიამ ჯიშკარიანი მწვავე შეფასებას აკეთებს საქართველოს მე-3 პრეზიდენტის ჰოსპიტალიზაციის პერიოდთან დაკავშირებით და აცხადებს, რომ მათთან არ ყოფილა შეთანხმებული სააკაშვილის მკურნალობის კურსი:
,,გორის სამხედრო ჰოსპიტალში მიხეილ სააკაშვილის მიმართ მიმდინარეობდა არაადეკვატური სამედიცინო ინტერვენცია და საავადმყოფოდან იგი გაწერილ იქნა არასამედიცინო ჩვენებით.
ინტერვენცია ვერ განხორციელდა ისე, როგორც ცენტრი ,,ემპათია” მოითხოვდა, ფსიქიატიული დანიშნულების ცვლილებას.
რაც შეეხება ნევროლოგიურ დანიშნულებას – ჩვენი რეკომენდაციები ჯიუტად არ შესრულდა. ასე მაგალითად, არ განხორციედა თავის ტვინის ,,ემერტე” კვლევა, კუჭნაწლავის ტრაქტის კვლევა, შესაბამისად, არანაირი შეთანხმება ცენტრ ,,ემპათიასთან” მკურნალობის კურსთან დაკავშირებით არ ყოფილა.
საერთოდ ცენტრი ,,ემპათია”, როგორც საექსპერტო დაწესებულება, მიხეილ სააკაშვილის გორის სამხედრო ჰოსპიტალში გადაყვანის წინააღმდეგი იყო. ვინაიდან გორის სამხედრო ჰოსპიტალს არ ჰქონდა ის რესურსი, რაც აუცილებელი იყო მიხეილ სააკაშვილის ჯანმრთელობის მდგომარეობის დიაგნოსტიკისა და შემდგომი მკურნალობისთვის.
ასე, რომ ასეთი განცხადება ხმამაღალი, რომ თურმე ცენტრ ,,ემპათიასთან” ყოფილა შეთანხმებული სააკაშვილის მკურნალობის კურსი, ეს შეესაბამება სიცრუეს“, – განაცხადა მარიამ ჯიშკარიანმა.
ავტორი
ნინი ხიჯაკაძე
