“სააკაშვილის პოზიცია გახლავს, რომ ამ სიაში მოხვდნენ ის ადამიანები, რომლებიც მის მიმართ უკანონო ქმედებებს ახორციელებდნენ და მონაწილეობას იღებდნენ კანონდარღვევებში” – შალვა ხაჭაპურიძე სააკაშვილის “მაგნიტსკის სიაზე”

უფლებამცველების, იურისტებისა და ოპოზიციური პარტიების მხრიდან ,,მაგნიტსკის სიის“ ქართულ ვერსიაზე მსჯელობა/მუშაობა დაიწყო. საქართველოს მე-3 პრეზიდენტის ადვოკატი, შალვა ხაჭაპურიძე ოპოზიციონერ ლიდერებთან ერთად იწყებს კონსულტაციებს და სამუშაო ჯგუფს დეტალურ ინფორმაციას მიაწვდის. მისი თქმით, სიაში მოხვდება ყველა ის ადამიანი, ვინ მონაწილეობა მიიღო მიხეილ სააკაშვილის ჯანმრთელობის განზრახ დაზიანებაში და დაარღვია ადამიანის უფლებები:

,,მიხეილ სააკაშვილმა მთხოვა, რომ ამ იურისტების ჯგუფს შევხვედროდი. გავცნობოდი მასალებს, თუ რა მზადდება, რომელ პირებზე მზადდება? ჩემი მხრიდან, თუ რაიმე საჭირო იქნება მტკიცებულებები იმ საქმეზე, რომელსაც მე წარვმართავ და ვხელმძღვანელობ, მისი მტკიცებულებები გადავცე ამ ჯგუფს.

მისი პოზიცია გახლავს ის, რომ ამ სიაში მოხვდნენ ის ადამიანები, რომლებიც მის მიმართ უკანონო ქმედებებს ახორციელებდნენ და მონაწილეობას იღებდნენ კანონდარღვევებში, რაც არაერთხელ გვინახავს.

[უკრაინული მხარეც] დაინტერესებულები არიან, რომ მიიღონ მიმდინარე სასამართლო პროცესთან დაკავშირებით ინფორმაცია. მე დღეს შევხვდები და მივაწოდებ სრულ ინფორმაციას, რაც ხდება. თუმცა, ერთი მხრივ, ქალბატონი კონსული სისტემატიურად ესწრებოდა, თვალს ადევნებს, მაგრამ, როგორც ჩანს, კიდევ რაღაც კითხვები არის და ამაზეც გვექნება საუბარი“, – განაცხადა შალვა ხაჭაპურიძემ.

ავტორი
ნინი ხიჯაკაძე