საარლამენტო უმრავლესობის წევრი, გივი მიქანაძე კომენტარს აკეთებს საქართველოს მე-3 პრეზიდენტთან დაკავშირებით და მიხეილ სააკაშვილს მოუწოდებს, რომ ნუ შეწუხდება ,,მაგნიტსკის სიის“ შედგენით, ვინაიდან საქართველოში ადამიანის უფლებები დაცულია:
,,მე მოვუწოდებდი ამ ადამიანს, რომ თავს უხერხულობაში ნუ ჩაიგდებს მსგავსი განცხადებების გაკეთებით იმიტომ, რომ მის იმიჯზე მოქმედებს ეს. ისევე, როგორც ვეტყოდი, რომ ტყუილად ნუ შეწუხდება რაიმე სიების შედგენით.
ეს ქვეყანა შენდება კანონის უზენაესობის და ადამიანის უფლებების პატივისცემაზე. ნებისმიერი ადამიანი, რომელიც დანაშაულს ჩაიდენს, მოსწონს ეს მას თუ არ მოსწონს, ის სასამართლოს წინაშე წარსდგება.
ბროუდერის განცხადებით, ქვეყანაზე უფრო წინ დგას მიხეილ სააკაშვილი. მე ასე გავიგე.
სააკაშვილი მიზანმიმართულად ახორციელებს საკუთარი ჯანმრთელობის დაზიანებას იმიტომ, რომ ხედავს, ის მოატყუეს თავისმა თანაგუნდელებმა, დაპირდნენ რევოლუციას“, – განაცხადა გივი მიქანაძემ.
ავტორი
ნინი ხიჯაკაძე
