საქართველოს მე-3 პრეზიდენტის სასამართლო პროცესი თბილისის საქალაქო სასამართლოში, ხვალ, ამერიკელი ექსპერტების დაკითხვით გაგრძელდება. ადვოკატი შალვა ხაჭაპურიძე კლინიკა ,,ვივამედიდან“ გამოსვლის შემდეგ ჟურნალისტებთან კომენტარს აკეთებს, ყურადღებას ამახვილებს მიხეილ სააკაშვილის ჯანმრთელობის გაუარესებულ მდგომარეობაზე და პოზიციას აფიქსირებს სპეციალური პენიტენციური სამსახურის სამედიცინო დეპარტამენტის ხელმძღვანელ მალხაზ ურთმელიძესთან მიმართებაში:
,,ფაქტი სახეზეა! გარკვეული გართულებები დემენციის და კახექსიის მხრივ კიდევ უფრო მეტად გამოკვეთილად აღინიშნა.
გუშინ მოუსმინეს ბატონი ლახანის ჩვენებას. ისინი აბსოლუტურად ეთანხმებიან იმ სიმპტომებს, დიაგნოზებს, რაც გუშინ ბატონი ლახანისგან მოისმინეს. რატომ არის ჩვენი ქვეყანა განუვითარებელი და რატომ ვერ მიდის ქვეყანა წინ?! – ეს სასაცილოა, სატირალი რომ არ იყოს – ურთმელიძის კვალიფიკაციის ექიმი რომ ლახანს დაუწყებს გამოკითხვას ნერვოლოგიაში…
კიდევ ერთხელ შევახსენებ ხელისუფლებას – 14 იანვარს გადის, მოსამართლის განჩინებით, კადრების გადმოცემის ვადა. 14-ში თუ არ გვექნება კადრები, 15 იანვარს უკვე მივმართავთ სპეციალურ საგამოძიებო სამსახურს, დაიწყოს გამოძიება მოსამართლის გადაწყვეტილების აღუსრულებლობაზე.
საუბარია ყველა კადრზე – დაატიმრებიდან ბოლომდე. გამოჩნდება ამ კაცს ჰქონდა გულისყრის ეპიზოდები, არ ჰქონდა, თუ როგორი სიტუაცია და რა მომენტები იყო? ყველაფერი იქნება კადრებზე“, – განაცხადა შალვა ხაჭაპურიძემ.
ინფორმაციისთვის: მიხეილ სააკაშვილის სასამართლო პროცესზე სპეციალური პენიტენციური სამსახურის სამედიცინო დეპარტამენტის ხელმძღვანელი მალხაზ ურთმელიძე ამერიკელ ექსპერტს და ნევროლოგ შახინ ემანუელ ლახანს კონკრეტული შეკითხვებით და დაზუსტებების მიზნით მიმართავდა
ავტორი
ნინი ხიჯაკაძე
