,,სტრატეგია აღმაშენებლის“ პოლიტიკური საბჭოს წევრი, სერგო ჩიხლაძე პოლიტიკურ შეფასებას აკეთებს ამერიკელი დიპლომატის, მაიკლ მაკფოლის წერილზე, რომელიც ,,The Washington Post”-ში საქართველოს მე-3 პრეზიდენტ მიხეილ სააკაშვილთან დაკავშირებით გამოქვეყნდა:
,,ეს არის მკაფიო სიგნალი საქართველოს ხელისუფლებისთვის და ვფიქრობ, კიდევ ერთი დასტურია, თუ სად დგას სიმართლე, სად დგას ცივილიზებული სამყარო – დასავლეთი, შეერთებული შტატები, დემოკრატიული ოპოზიცია საქართველოში, საზოგადოება!
ყველანი ვდგავართ სიმართლის, სიცოცხლის გადარჩენის მხარეს და რუსეთის საპირწონედ. მეორე მხარეს დგას ,,ქართული ოცნება“ და რუსეთი.
შესაბამისად, ამ შემთხვევაში, ყველამ უნდა გააკეთოს არჩევანი ქვეყნის შიგნით და გარეთ. ყველაზე სწრაფი გამოსავალი, გადაწყვეტილება – ეს იქნება პრეზიდენტ სალომე ზურაბიშვილის მიერ შეწყალების აქტის მიღება, როგორც მიხეილ სააკაშვილის, ასევე ნიკა გვარამიას მიმართ“, – განაცხადა სერგო ჩიხლაძემ.
ავტორი
ნინი ხიჯაკაძე
