სამშაბათი, მარტი 18, 2025
14.8 C
Tbilisi
spot_img
მთავარიპოზიცია და შეფასებები"ბრძოლის წინა ხაზზე ვიქნები ყველგან, სადაც გამარჯვებას დასჭირდება"...

“ბრძოლის წინა ხაზზე ვიქნები ყველგან, სადაც გამარჯვებას დასჭირდება” – ანა წითლიძე

ექიმების კატეგორიული მოთხოვნით, პროტესტის უკიდურესი ფორმა, შიმშილობა შეწყვიტა “ერთიანი ნაციონალური მოძრაობა – ძალა ერთობაშიას” წევრმა ანა წითლიძემ და სოციალურ ქსელში მხარდაჭერისთვის საზოგადოებას მადლობა გადაუხადა:

შიმშილობის პირველივე დღიდან – არანაირი მოლოდინი არ მქონდა რომ ჰუმანიზმისგან დაცლილი ხელისუფლება ჩემს მოთხოვნებს გაითვალისწინებდა.

შოკისმომგვრელი კადრების შემდეგ რაც გაავრცელეს – ბრაზი, ბოღმა და სიძულვილი ერთმანეთში ამერია.

პირველად ამ 10 წლის მანძილზე საკუთარი თავის შემეშინდა რადგან შურისძიებაზე ვიფიქრე.
მივხვდი რომ ძალიან ცოტა მაკლდა იმისთვის რომ ამ სიძულვილის და ანგარიშსწორების მორევში საკუთარი თავი არ დამეკარგა.

ამ დღეების განმავლობაში შევხვდი უამრავ ადამიანს ხელისუფლებიდან, ოპოზიციიდან, სამოქალაქო სექტორიდან. მადლობას მინდა ვუთხრა თითოეულ მათგანს.

მქონდა კომუნიკაცია ჩვენს საერთაშორისო პარტნიორებთან, ქვეყნის შიგნით და ქვეყნის გარეთ.

ჩემს სანახავად მოსულ ქართული ოცნების წარმომადგენლებთან მხოლოდ ერთადერთი რამე მქონდა სათქმელი: ამ სიძულვილის და ანგარიშსწორების წრეზე – გამარჯვებული არავინ გამოვა, სადღაც თუ არ გავჩერდით ეს სიძულვილი ერთნაირად დაგვანგრევს ყველას.

მე მქონდა შესაძლებლობა მენახა და მელაპარაკა საქართველოს პრეზიდენტთან და მადლობა მინდა ვუთხრა მას ამ შესაძლებლობისთვის.

ჩვენ ყველა ნაციც, ქოციც, შუაშისტიც სადღაც ერთ უფრსკულში სიძულვილში ვეჯიბრებით ერთმანეთს.

განტევების ვაცს ვეძებთ, ყველას ყველაფერს ვაბრალებთ და მთავარი გვავიწყდება – ერთიანობის, სიყვარულის, შეცდომების პატიების და ერთმანეთის გაფრთხილების გარეშე ყოფნა არის ის რაც მტერს აძლიერებს.

რაც არ უნდა ერჩიათ და შევეშინებინეთ ჩემი ანალიზებით ექიმებს და ჩემს მეგობრებს – ვიცოდი რომ სანამ საკუთარ თავში არ დავძლევდი ამ ყველაფერს და ოდნავ მაინც არ გადამივლიდა არაფრის ფასად არ შევწყვეტდი.

მე ერთადერთი რამის შემეშინდა მხოლოდ, ჩემი შიმშილობის ბოლო დღეებში რეალური საფრთხე დავინახე ჩემი მეგობრების მხრიდან, რომ შიმშილობის წრე შეიძლებოდა გაფართოებულიყო. მე არ მქონდა უფლება ჩემი მეგობრების ჯანმრთელობა საფრთხის ქვეშ დამეყენებინა.

ამ ომში გადარჩენა თუ გვინდა,უნდა ვიცოდეთ რომ მიუხდავად პროფესიისა, შესაძლებლობისა ყოველდღიური Freedom Fighter – ხარ სადაც საკუთარი ღირებულებების გარდა, ყველაფრის ფასად უნდა იბრძოლო საბოლოო გამარჯვებისთვის.

მე ამ უკუნეთში, სადაც სინათლე არ ჩანს ვიცი, რომ ისტორიის სწორ მხარეს ვარ.

მიშა უნდა გადარჩეს და იცოცხლოს.

ბოდიში ყველას ვინც განერვიულეთ ჩემი სიჯიუტით.

მადლობა გულშემატკივრობისთვის.

უდიდესი მადლობა ექიმებს რომლებიც 24/7 ზრუნავდნენ ჩემზე.

მადლობა პარლამენტის აპარატს რომელიც სრული შემადგენლობით თავს მევლებოდა.

არანაირი, დიდი დრო რეაბილიტაციისთვის არ დამჭირდება, ბრძოლის წინა ხაზზე ვიქნები ყველგან, სადაც გამარჯვებას დასჭირდება.

ჯანმრთელობა მინდა ვუსურვო დავით კიტკიტაძეს და მადლობა ვუთხრა მას და თემურ ჯანაშიას – დათოს სასწრაფოდ გადაყვანის შემდეგ, თემომ მიუხედავად ჯანმრთელობის გაუარესებული მდგომარეობისა ჩემი დაჟინებული თხოვნა და დაპირება გაითვალისწინა, მადლობა ამისთვის❤️“, წერს ფეისბუქის პირად გვერდზე ანი წითლიძე.

კომენტარები - დატოვეთ თქვენი მოსაზრება
spot_img

მსგავსი სტატიები

“მიშა უნდა იყოს თავისუფალი და ესენი უნდა იყვნენ რუსეთში” – პეტრე ცისკარიშვილი მმართველ პარტიაზე

“ერთიანობა ნაციონალური მოძრაობის” გენერალური მდივანი, პეტრე ცისკარიშვილი, მწვავე შეფასებებით...

“რადიკალური ოპოზიცია სალომე ზურაბიშვილის მეთაურობით, თვითაღიარების რეჟიმში გადავიდა” – ზაალ ანჯაფარიძე

"რადიკალური ოპოზიცია სალომე ზურაბიშვილის მეთაურობით, თვითაღიარების რეჟიმში გადავიდა. უკვე...

კახა კალაძე: ყველა დამნაშავემ, ვისაც ღალატი აქვს ჩადენილი ქვეყნის წინაშე, პასუხი უნდა აგოს

თბილისის მერის კახა კალაძის განცხადებით, მნიშვნელოვანია, გამოიძიონ, თუ ვისი...

spot_img

"პარალელის" გამოკითხვა

დღის პოპულარული

“პრეზიდენტ სააკაშვილის პატიმრობა განპირობებულია იმით, რომ მან არ დათმო ქართული სახელმწიფოებრიობა” – თინა ბოკუჩავა

,,ერთიანობა - ნაციონალური მოძრაობის" თავმჯდომარე, თინა ბოკუჩავა ჟურნალისტებთან კომენტარს...

“ჩვენს შვილებს თავისუფალი, ძლიერი და გაერთიანებული საქართველო უნდა დავუტოვოთ!” – პაატა მანჯგალაძე

"სტრატეგია აღმაშენებლის" და "ერთიანობა ნაციონალური მოძრაობის" ერთ-ერთი ლიდერი, პაატა...

პაატა მანჯგალაძე: “პასიური კოორდინაცია არაფერს შეცვლის – მხოლოდ საერთო მოქმედება მოიტანს ცვლილებას და გამარჯვებას!”

პროდასავლური პოლიტიკური პარტიების ერთიანობისა და აქტიური პოლიტიკური ბრძოლის მნიშვნელობაზე...

“ეს ქოცი ჯერ ბიძინას მთავრობიდან დევნიდა მიშა სააკაშვილს და “ნაციონალურ მოძრაობას”, ახლა ოპოზიციის ფლანგიდან...

პარტია "გახარია საქართველოსთვის" თავმჯდომარის მოადგილის, ნათია მეზვრიშვილის პოზიცია-გამონათქვამს -...