“სტრატეგია აღმაშენებლის” და “ერთიანობა ნაციონალური მოძრაობის” ერთ-ერთი ლიდერი, პაატა მანჯგალაძე, საქართველოს წარსულის, ისტორიის კონკრეტული ფაქტების შეფასებისას, კონკრეტულ შედარებებს ახდენს და პარალელს ავლებს დღევანდელობასთან:
“მოდით, მარტივად ავხსნათ – ვის უნდა მშვიდობა და ვის ამოძრავებს ღალატი!
ვინ არიან პატრიოტები და ვინ ნამდვილი უსამშობლოები!
თუ ივანიშვილს და მის პროპაგანდისტებს დავუჯერებთ, გამოდის, რომ ჩვენი ყველა გმირი სულელი ყოფილა.
დავით აღმაშენებელი – პროვოკატორი,
თამარ მეფე – ავანტიურისტი,
ერეკლე – „ომის პარტიის“ ლიდერი.
მოდით გავყვეთ ქოცების ლოგიკას და წარმოვიდგინოთ, რას იტყოდა წულუკიანის ვითომ საგამოძიებო კომისია დიდგორის ომის მიზეზებზე ან თამარ მეფისთვის გამოგზავნილ რუქნადინის წერილზე?
ქოცების ლოგიკით, დავით აღმაშენებელი დამნაშავეა:
რატომ შეუწყვიტა ხარკი სელჩუკებს?
განა ამით მუსლიმური კოალიციის გაღიზიანება და ომი არ გამოიწვია?
თამარ მეფეც „დამნაშავეა“:
რატომ არ დათანხმდა რუქნადინის სამშვიდობო ინიციატივას?
რატომ არ დანებდა „მშვიდობისთვის“?
თუ ქოცების ეს ლოგიკა სწორია, მაშინ უნდა გავასამართლოთ ილია ჭავჭავაძე, ზვიად გამსახურდია, მერაბ კოსტავა და 9 აპრილის გმირებიც!
რატომ არ დაემორჩილნენ საბჭოთა იმპერიას?
რატომ არ გაჩერდნენ?
რატომ არ ისარგებლეს კომფორტით?
რატომ მოინდომეს თავისუფლება?
თუ ქოცები მართლები არიან და გმირები შეცდნენ, მაშინ გადავყაროთ ჩვენი ისტორიის ყველა წიგნი და ვასწავლოთ ჩვენს შვილებს მხოლოდ საქართველოს გაყიდვით გამდიდრებული მუქთახორების და თათქარიძეების „ისტორია“!
სიმართლე მარტივია:
• თამარი არ დანებდა და გაიმარჯვა!
• დავითმა იბრძოლა და საქართველო აღადგინა!
• ერეკლემ და ილიამ ბოლო წუთამდე იბრძოლეს და გადაგვარჩინეს!
• ზვიადმა და მერაბმა ქვეყანას თავისუფლება მოუტანეს!
• და კიდევ უამრავმა გმირმა მოიტანა საქართველო და ეს მშვიდობა!
მაგრამ დღეს უტიფრად გვიმტკიცებენ, რომ ეს სისულელეა.
გვიმტკიცებენ, რომ თავისუფლების დაცვა „პრობლემაა“,
მორჩილება და ლაჩრობა – გმირობა,
საკუთარი ხალხის გაწირვა – პატრიოტიზმი და ქრისტიანობა.
ვის აწყობს ეს?
ვისთვის არის მომგებიანი, რომ ერს აღარ სჯეროდეს თავისი ისტორიის?
ვისთვის არის საჭირო, რომ ქართველს აღარ ჰქონდეს თავდაცვის ინსტინქტი?
ვის სურს, რომ საქართველო იყოს სუსტი და მოკავშირეების გარეშე, მარტოდ დარჩენილი?
ივანიშვილს, მის რეჟიმს და ჩვენს ჩრდილოელ ვერაგ მეზობელს!
საქართველო მხოლოდ თავისუფლებით და მოკავშირეებით გადარჩება!
ქოცობა ღალატია!
ჩვენ გვინდა მშვიდობა!
და სწორედ ამიტომ ჩვენს შვილებს თავისუფალი, ძლიერი და გაერთიანებული საქართველო უნდა დავუტოვოთ!” – წერს ფეისბუქის პირად გვერდზე პაატა მანჯგალაძე.
