მოშიმშილე ანა წითლიძესთან მეგობრული ურთიერთობის შესახებ წერს ანალიტიკოსი და ჟურნალისტი არჩილ გამზარდია და შიმშილობის შეწყვეტას სთხოვს ოპოზიციონერ პოლიტიკოსს:
“ანა წითლიძე, ეს პატარა გოგონა დიდი გულით, უკვე რამდენი ხანია მეგობარია. სრულიად განსხვავებული შეხედულებებიც გვაქვს, მაგრამ არც ხელს გვიშლის არაფერში. ვთანხმდებით თუ ვერ ვთანხმდებით, ვიცი, რომ გულწრფელია და ურთიერთობებსაც ფაქიზად ეკიდება.
და ისიც ვიცი, რომ მისი შიმშილობა არ შეიძლება და არის დრო, როდესაც თავის თავს კი არა, ოჯახს უნდა გაუფრთხილდეს.
ჰოდა, გოგონი, ნუ გვანერვიულებ ამდენ ხალხს.
სხვებზე მეტს ამტკიცებ შენი სიყოჩაღით, ამაზე მეტის დამტკიცება აღარ გჭირდება ❤️❤️❤️” – წერს ფეისბუქის პირად გვერდზე არჩილ გამზარდია.
P.S. 12-დღიანი შიმშილობის შემდეგ, ექიმების მოთხოვნით, ანა წითლიძემ შეწყვიტა პროტესტის ეს ფორმა.
