გუშინ გამართულ სასამართლო პროცესზე ამერიკელი ექსპერტ-ფსიქიატრის ერიკ დევიდ გოლდსმიტის განმარტებებთან დაკავშირებით საქართველოს მე-3 პრეზიდენტის პოზიტიურ შეფასებებს უერთდება მიხეილ სააკაშვილის დედა, გიული ალასანია სასამართლო პროცესის გაწელვა/გაჭიანურებაზე ამახვილებს ყურადღებას:
,,ჩვენ იმედი გვქონდა, რომ [სასამართლო პროცესები] პირდაპირ ზედიზედ იქნებოდა. საჭიროების შემთხვევაში ეს ხდება ხოლმე. ამ შემთხვევაში რატომ არ ხერხდება, ვერ გავიგე?!
ცუდად არის ადამიანი, კარგად რომ იყოს, ხომ არ ავტეხდით ასეთ ამბავს?!
გუშინდელი პროცესით იყო ძალიან კმაყოფილი. რა თქმა უნდა, ერიკ დევიდ გოლდსმიტის ძალიან კარგი პროფესიონალია. ეს იყო მართლა მასტერკლასი, რაც იმ კაცმა გვაჩვენა გუშინ.
მე ვფიქრობ, ძალიან კარგი იყო ჩვენი პროფესიონალებისთვის საყურებლად და გამოცდილების მისაღებად“, – განაცხადა გიული ალასანიამ.
ინფორმაციისთვის: საქართველოს მე-3 პრეზიდენტის, მიხეილ სააკაშვილის მორიგი სასამართლო პროცესი მოსამართლე გიორგი არევაძემ 29 დეკემბერს ჩანიშნა.
ავტორი
ნინი ხიჯაკაძე
