“ვინც არ მოსწონს კობახიძეს, მდინარაძეს და ღარიბაშვილი ვერ იტანს – აი ასეთი უნდა იყოს სახალხო დამცველი” – გიორგი ვაშაძე

სახალხო დამცველის არჩევის პროცესი ახლოვდება, თუმცა პარლამენტში კონსესუსი საერთო კანდიდატზე, არ შემდგარა. ,,სტრატეგია აღმაშენებლის” თავმჯდომარე გიორგი ვაშაძე საუბრობს იმის შესახებ, თუ როგორი უნდა იყოს პიროვნება, რომელიც ომბუდსმენის პოსტს დაიკავებს:

,,თუ კობახიძეს მოსწონს ვიღაც – ის სახალხო დამცველი არ უნდა იყოს!

უნდა იყოს ისეთი, ვინც არ მოსწონს კობახიძეს. მიხვდით? – არ მოსწონს, არ უყვარს მდინარაძეს და ღარიბაშვილი ვერ იტანს – აი ასეთი უნდა იყოს სახალხო დამცველი. ეს არის სახალხო დამცველის ინსტიტუციის შინაარსი.

იმდენად უმწიკლო რეპუტაცია ჰქონია ამ ადამიანებს, რომ თითო რაღაცა პოსტის მეტი რომ ვერაფერი ვერ მოუძებნეს ამ ხალხს, მართლა ღირსეულთა შორის ღირსეულები ყოფილან”, – განაცხადა გიორგი ვაშაძემ.

ავტორი
ნინი ხიჯაკაძე