თავის ღამის ვიდეომიმართვაში, უკრაინის პრეზიდენტმა, ვოლოდიმირ ზელენსკიმ, ქართველ ერს, საქართველოს ხელისუფლებას მიმართა. მიმართვაში, ომში მყოფი ქვეყნის პრეზიდენტმა, მიხეილ სააკაშვილთან მიმართებაშიც ისაუბრა და მისი სამკურნალოდ უკრაინაში ან უცხოეთის რომელიმე ქვეყანაში გადაყვანის თხოვნა დააფიქსირა:
“მინდა მივმართო ჩვენს ყველა მეგობარს და კეთილსინდისიერ ადამიანს საქართველოში.
ალბათ, ყველამ ნახეთ, თუ რა მდგომარეობაშია მიხეილ სააკაშვილი, რა მდგომარეობაშია მისი ჯანმრთელობა. ამიტომ მივმართავ ქართველ ერსა და საქართველოს ხელისუფლებას: გამოიჩინეთ გულმოწყალეობა, განსაკუთრებით, ამ წინასაშობაო დროს. ის, რაც ახლა მიხეილ სააკაშვილის მიმართ ხდება, ეს არის აბუჩად აგდება. საქართველოს ეს არ შეეფერება. ეს უნდა შეწყდეს.
ძალიან გთხოვთ, მიიღეთ გადაწყვეტილება, რომელიც მის სიცოცხლეს გადაარჩენს, დაიცავს. გადაიყვანეთ მიხეილ სააკაშვილი უკრაინის რომელიმე კლინიკაში, ევროპის სხვა ნებისმიერ ქვეყანაში, ამერიკაში.
ზუსტად ახლა არის ამ კეთილი საქმის გაკეთების დრო“, – აცხადებს ვოლოდიმირ ზელენსკი.