საქართველოს მე-3 პრეზიდენტის დედა, გიული ალასანია მძიმე ემოციურ შეფასებებთან ერთად ჟურნალისტებთან მწვავე განცხადებას აკეთებს მიხეილ სააკაშვილის მძიმე ჯანმრთელობის მდგომარეობასთან დაკავშირებით. ამასთან, გიული ალასანია ასევე სიამაყით იხსნებს კონკრეტულ ფაქტებს, რომლებიც მიხეილ სააკაშვილის მმართველობის პერიოდში მოხდა:
,,ფაქტიურად, მიმდინარეობს ადამიანის მკვლელობა. მოთავსებული არის აკვარიუმში, სადაც კლავენ. ყოველი მისი ამოსუნთქვა, მოქმედება – როგორიც არ უნდა იყოს, არის კონტროლის ქვეშ.
ფაქტიურად, მიდის ამის ტრანსლაცია მთელ ქვეყნიერებაზე. როგორ უნდა იგრძნოს ადამიანმა თავი, საერთოდ?! – ამას ცხოვრება ჰქვია?!
ეს რა არის?! – ეს არის სიკვდილით დასჯა. დასჯილი, სიკვდილმისჯილი ადამიანი.
რას ნიშნავს ეს გამოჭენება ადამიანის, ასე გაშიშვლება?! რა არის?! საერთოდ ნებისმიერი ადამიანის, მით უმეტეს – ეს ადამიანი იყო არა მარტო პრეზიდენტი, ის იყო მთავარსარდალი; ეს იყო ადამიანი, რომელმაც პირველმა მიიღო რუსეთის აგრესია თავის თავზე, რომელზედაც მთელი მსოფლიო ლაპარაკობს! მაშინ არ ლაპარაკობდა არავინ, მაგრამ ამ ერთმა ადამიანმა ის მოახერხა, რომ ნახევარი დასავლეთი აქ ჩამოიყვანა, აქ დააყენა!
ისევე, როგორც ყოველთვის – არის ტემპერატურა, მერე საღამოსკენ 38 გარდუსისკენ იწევა, მერე შესაბამისად, არის წნევა და ყველაფერი დანარჩენი.
რაღაცა უაზრო მოქმედებების შემდეგ, მაშინ ის პროკურორები რომ შეუვარდნენ გაუფრთხილებლად ოთახში, ამ კადრების გამოქვეყნება – ეს ყველაფერი მისი ჯანმრთელობისთვის არის ძალიან ცუდი“, – განაცხადა გიული ალასანიამ.
ავტორი
ნინი ხიჯაკაძე
