მიხეილ სააკაშვილის მოწამვლასთან დაკავშირებით გავრცელებულ ინფორმაციაზე მწვავე განცხადებები კეთდება როგორც ოპოზიციაში, ასევე კონკრეტული ექიმების მხრიდან. უკრაინაში შესაბამისი გამოძიება დაიწყო. ფაქტს, სოციალურ ქსელში გამოქვეყნებული პოსტებით, ეხმაურება და ხელისუფლებას, კონკრეტულ პირებს მიმართავს “ქრონიკა +”-ის მთავარი რედაქტორი, ელისო კილაძე:
“მიხეილ სააკაშვილი მოწამლულია‼️
ეს ჯერ ქართველმა ექიმებმა აღმოაჩინეს, შემდეგ ამერიკელმა ტოქსიკოლოგებმა დაადასტურეს.
მოწამვლის მიზანი მესამე პრეზიდენტის მკვლელობის მცდელობაა, წინასწარ განზრახვით და [საქართველოში] გამოძიება ჯერ არც დაწყებულა‼️
მიხეილ სააკაშვილის მოწამვლის ფაქტზე უკრაინაში გამოძიება დაიწყო.
დაგავიწყდათ “ბრატცი”, რომ მაღალი თანამდებობის პირი და უკრაინის მოქალაქეა.
ინტერპოლის ძებნაზე რომ დაჯდებით ბარე ორი, მერე მოხვალთ ცოტა აზრზე!” – წერს ფეისბუქის პირად გვერდზე ელისო კილაძე.
