ბრატისლავაში “ალდეს” შეხვედრაზე ჩასულმა “სტრატეგია აღმაშენებლის” ლიდერებმა შეხვედრა “Alde”-ს პრეზიდენტთან ილჰან კიუჩიუკთან გამართეს. გიორგი ვაშაძემ და სერგო ჩიხლაძემ ევროპარლამენტართან საქართველოს ევროინტეგრაციის და 12 პუნქტის საკითხზე ისაუბრეს. საუბარი ასევე ალდესა და “სტრატეგია აღმაშენებლის” სამომავლო ურთიერთობასაც შეეხო:
“შევხვდით ALDE-ს პრეზიდენტს, ილჰან კიუჩიუკს.
ვისაუბრეთ ALDE-ს და “სტრატეგია აღმაშენებლის” შემდგომ თანამშრომლობაზე, განვიხილეთ საქართველოს ევროინტეგრაციის საკითხი და 12 პუნქტის შესრულების პერსპექტივები.
ასევე მომავალი წლის დასაწყისში დაიგეგმა ALDE-ს ორივე პრეზიდენტის ვიზიტი საქართველოში.
“ალდეს” ლიდერებისა და ევროპარლამენტარების მხრიდან კი გაგრძელდება ის უპრეცედენტო მხარდაჭერის კამპანია, რაც ჩვენმა ევროპელმა მეგობრებმა წამოიწყეს ცოტა ხნის წინ,” – განაცხადა გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს