“აქვთ განზრახვა, რომ სააკაშვილის გათავისუფლებით ხელი შეუწყონ ქვეყანაში პოლიტიკური ვითარების არევას” – ირაკლი კობახიძე

საქართველოს მე-3 პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით ცენტრი ,,ემპათიასა“ და ჩართული ექსპერტების საბოლოო ექსპერტიზის დასკვნას უნდობლობას უცხადებს პარტია ,,ქართული ოცნების“ თავმჯდომარე ირაკლი კობახიძე და აცხადებს, რომ ადგილი აქვს პიარ კამპანიას, რომლის მიზანია გააჩინონ რაღაცა თანაგრძნობა კონკრეტული პატიმრის მიმართ:

,,ორგანიზაცია ,,ემპათია“ პირდაპირ არის დაკავშირებული ,,ნაც. მოძრაობასთან“, რასაც მისი ხელმძღვანელი არასდროს მალავდა. აქედან გამომდინარე სანდოობა არის, რა თქმა უნდა, ნულის ტოლი. მიკერძოებულია ჩვეულებრივად ეს ორგანიზაცია.

კონკრეტულად უნდა მიუთითონ რა არის ისეთი დაავადება, პრობლემა, პათოლოგია, რაც განაპირობებს პატიმრის გათავისუფლებას, რაც არ აქვს სხვა პატიმარს, მაგრამ ამას ვერ ამბობენ. ამის მაგივრად არის რაღაცა მშრალი საუბრები და პიარ კამპანია, ლობისტური კომპანიები. რაც არის პრინციპულად მიუღებელი. ქვეყნას ვერ ავარევინებთ ვერავის.

ეს ყველაფერი არის წმინდა წყლის პოლიტიკური და პიარული კამპანია, რომლის მიზანია გააჩინონ რაღაცა თანაგრძნობა კონკრეტული პატიმრის მიმართ და საბოლოო ჯამში, უზრუნველყონ ამ პატიმრის რაღაც ფორმით გათავისუფლება იმისათვის, რომ ქვეყანაში არიონ ვითარება. მათ აქვთ განზრახვა, რომ სააკაშვილის გათავისუფლებით ხელი შეუწყონ ქვეყანაში პოლიტიკური ვითარების არევას. რაც არ შედის ჩვენი ქვეყნის ინტერესებში, ხალხის ინტერესებში.

რა თქმა უნდა, ვერანაირი ლობისტური კამპანიით ვერც ჩვენ და ვერც საზოგადოებას, ისინი ვერ დაარწმუნებენ იმაში, რომ პირველი – ეს ადამიანი არ არის დამნაშავე და მეორე – მისი გათავისუფლება არის მიზანშეწონილი.

ეს არის პრინციპულად არასწორი. პატიმარი უნდა იხდიდეს სასჯელს კანონის შესაბამისად“, – განცხადა ირაკლი კობახიძემ.

ავტორი
ნინი ხიჯაკაძე