საქართველოში უკრაინის საელჩოს მიერ მიმდინარე წლის შეჯამებისა და უკრაინის მეგობარ პირთათვის სამადლობელო სიგელების გადაცემის ღონისძიება გაიმართა.
ღონისძიების ფარგლებში საელჩოს სახელით გამოხატული იქნა მადლიერება უკრაინისათვის მძიმე პერიოდში ქვეყნისა და უკრაინის მოქალაქეებისათვის აღმოჩენილი მნიშვნელოვანი მხარდაჭერისათვის.
„ჩემთვის ეს უდიდესი პატივია. ყოველთვის ვიქნები თავისუფლებისათვის მებრძოლი უკრაინელი ხალხის გვერდით და გავაძლიერებ ჩვენი ხალხების ისტორიულ მეგობრობას. დიდი მადლობა უკრაინის საელჩოს,“ – აღნიშნა საკუთარ სიტყვაში მარიკა არევაძემ.
ინფორმაციისთვის: ღონისძიების ფარგლებში სამადლობელო სიგელებით გადაეცათ და უკრაინის მეგობრების სახით მოხსენიებულ პირთა შორის იყვნენ – ქართულ-უკრაინული თანამეგობრობის ალიანსის თავმჯდომარე – ირაკლი კაჭარავა, ალიანსის აღმასრულებელი დირექტორი ანა ჯალაღონია, მამუკა ხაზარაძე, ბადრი ჯაფარიძე, ნინო ქათამაძე, ნილოზ რაჭველი, ივა ჭყონია.