“თუ იქნება მძიმე ხარისხი – მივმართავთ სასამართლოს სასჯელის გადავადების ან მთლიანად სასჯელის მოხსნისგან გათავისუფლების მოთხოვნით” – შალვა ხაჭაპურიძე ექსპერტიზის დასკვნაზე

საქართველოს მე-3 პრეზიდენტის ადვოკატი შალვა ხაჭაპურიძე აცხადებს, რომ მიხეილ სააკაშვილის ჯანმრთელობის მდგომარეობა დამძიმებულია და ექსპერტიზის დასკვნის პასუხის შემდეგ სასამართლოს მთავარი მოთხოვნით მიმართავენ:

,,მიხეილ სააკაშვილის სიცოცხლე აშკარად საფრთხეშია, ვინაიდან ვერ უტარდება ადეკვატური და სათანადო მკურნალობა.

რაც შეეხება ექსპერტიზის დასკვნას – საექსპერტო ბიუროსგან ველოდებით 18 ნოემბერს ანუ იმ კვირის ბოლოს.

ამის შემდეგ გაირკვევა მისი ჯანმრთელობის მდგომარეობის ხარისხი.

თუ იქნება მძიმე ხარისხი – მივმართავთ სასამართლოს სასჯელის გადავადების ან მთლიანად სასჯელის მოხსნისგან გათავისუფლების მოთხოვნით“, – განაცხადა შალვა ხაჭაპურიძემ.

ავტორი
ნინი ხიჯაკაძე